பாகிஸ்தானின் நாட்டின் கராச்சி நகரில் உள்ள மீனவர் ஒருவர் ஏராளமான மருத்துவ குணங்கள் கொண்ட அரிய வகை மீன்களை ஏலம் விட்டு ஒரே இரவில் கோடிக்கணக்கில் பணம் சம்பாதித்துள்ளார்.

ஏழ்மையான இப்ராஹிம் ஹைடேரி மீனவ கிராமத்தில் வசிக்கும் ஹாஜி பலூச் மற்றும் அவரது தொழிலாளர்கள் கடந்த திங்களன்று அரபிக்கடலில் "சோவா" என்று அழைக்கப்படும் மீனை பிடித்தனர். 

வெள்ளிக்கிழமை காலை கராச்சி துறைமுகத்தில் மீனவர்கள் தங்கள் மீன்களை ஏலம் எடுத்தபோது, முழு மீன்களும் சுமார் 70 மில்லியன் ரூபாய்க்கு விற்கப்பட்டுள்ளன என்று பாகிஸ்தான் மீனவர் நாட்டுப்புற மன்றத்தில் கூறியுள்ளனர்.

சோவா மீன் விலைமதிப்பற்றதாகவும் அரிதானதாகவும் கருதப்படுகிறது, ஏனெனில் அதன் வயிற்றில் உள்ள பொருட்கள் சிறந்த மருத்துவ குணங்களைக் கொண்டுள்ளன.

மீனில் இருந்து ஒரு நூல் போன்ற பொருள் அறுவை சிகிச்சை முறைகளிலும் பயன்படுத்தப்படுகிறது.

ஒரு மீன் ஏலத்தில் சுமார் 7 மில்லியன் ரூபாய்க்கு விற்கப்படுகிறது. 

பெரும்பாலும் 20 முதல் 40 கிலோ வரை எடையுள்ள மற்றும் 1.5 மீட்டர் வரை வளரக்கூடிய மீன், கிழக்கு ஆசிய நாடுகளில் அதிகம் விரும்பப்படுகிறது.

மேலும் இந்த மீனை விற்று பெற்ற பணத்தை தனது 7 பேர் கொண்ட குழுவினருடன் பகிர்ந்துக் கொண்டுள்ளதாக அந்த மீனவர் தெரிவித்துள்ளார் என்பது குறிப்பிடத்தக்கது.