தளபதியின் வாரிசு படத்தின் 'ஜிமிக்கி பொண்ணு' வீடியோ பாடல் வெளியானது

தளபதியின் வாரிசு படத்தின் 'ஜிமிக்கி பொண்ணு' வீடியோ பாடல் இன்று ஞாயிற்றுக்கிழமை வெளியாகியுள்ளது.

வம்சி இயக்கத்தில் தளபதி விஜய் நடிப்பில் உருவான திரைப்படம் 'வாரிசு'. இப்படத்தில் தளபதி விஜய்க்கு ஜோடியாக ராஷ்மிகா மந்தனா நடித்திருந்தார். 

பெரும் எதிர்பார்ப்பில் உருவான இப்படம் கடந்த 11 ஆம் திகதி ரசிகர்களின் கொண்டாட்டத்துடன் திரையரங்குகளில் வெளியானது. இதைத்தொடர்ந்து இப்படத்தின் தெலுங்கு பதிப்பான 'வாரசுடு' கடந்த 14 ஆம் திகதி திரையரங்குகளில் வெளியாகி நல்ல வரவேற்பை பெற்று வருகிறது. 

இந்த திரைப்படம் வசூலில் 250 கோடியை கடந்துள்ளதாக தயாரிப்பு நிறுவனம் அறிவித்துள்ளது. இந்த நிலையில் வாரிசு படத்தில் ரசிகர்கள் எதிர்பார்த்த 'ஜிமிக்கி பொண்ணு' வீடியோ பாடல் இன்று ஞாயிற்றுக்கிழமை வெளியாகியுள்ளது. இதனால் ரசிகர்கள் உற்சாகமடைந்துள்ளனர்.