கட்டுப்பாடற்ற வேகத்தினால் மரத்துடன் மோதி விபத்துக்குள்ளான முச்சக்கர வண்டி! 4 வயது சிறுவன் பலி, 3 குழுந்தைகள் உட்பட 6 பேர் காயம்..

கட்டுப்பாட்டை இழந்து வீதியை விட்டு விலகிய முச்சக்கர வண்டி மரத்துடன் மோதி விபத்துக்குள்ளானதில் 4 வயது சிறுவன் உயிரிழந்த சம்பவம் நேற்று மாலை அனுராதபுரம் - குருநாகல் வீதியில் இடம்பெற்றிருக்கின்றது. 

விபத்தில் படுகாயமடைந்த முச்சக்கரவண்டியின் சாரதி மற்றும் பின்னால் பயணித்த இரண்டு பெண்கள், இரு சிறுமிகள் மற்றும் இரு சிறுவர்கள் கல்கமுவ வைத்தியசாலையில் அனுமதிக்கப்பட்டபோது 

அதில் ஒரு சிறுவன் உயிரிழந்துள்ளதாக தெரிவிக்கப்படுகின்றது. கல்கமுவ பிரதேசத்தில் வசித்து வந்த சிறுவனே​ இவ்வாறு உயிரிழந்துள்ளதாக தெரிவிக்கப்படுகின்றது. முச்சக்கரவண்டியின் சாரதி, பின்னால் பயணித்த இரண்டு பெண்கள், 

இரு சிறுமிகள் மற்றும் ஒரு சிறுவன் கல்கமுவ மற்றும் அனுராதபுரம் வைத்தியசாலைகளில் சிகிச்சை பெற்று வருகின்றனர். கல்கமுவ பொலிஸார் மேலதிக விசாரணைகளை மேற்கொண்டு வருகின்றனர்.