திருமண நிகழ்வில் பேராசிரியரொருவரின் செயல்: வைரலாகும் காணொளி (VIDEO)
மத்தியப்பிரதேச மாநிலத்தைச் சேர்ந்த பேராசிரியரொருவர் திருமண நிகழ்வில் கலந்து கொண்டு நடனமாடிய காட்சிகள் சமூகவலைத் தளங்களில் வைரலாகி வருகிறது.
46 வயதான சஞ்சீவ் ஸ்ரீவாஸ்தவா என்பவர் போபாலிலுள்ள தனியார் பொறியியல் கல்லூரியில் பேராசிரியராகப் பணியாற்றி வருகிறார். இவர் தனது நண்பர்கள், உறவினர்கள், சக ஊழியர்களின் வீட்டுத் திருமண விசேட நிகழ்ச்சிகளுக்குச் செல்லும் போது நடனமாடுவதை வழக்கமாகக் கொண்டுள்ளார்.
பாலிவுட் நடிகர் கோவிந்தாவின் தீவிர இரசிகரான சஞ்சீவ் கடந்த 1980 களில் வெளியான பாடல்களுக்கு நடனமாடி அசத்துகிறார்.
சமீபத்தில் தனது மனைவியின் உடன்பிறந்த தம்பியின் திருமணத்தில் நடிகர் கோவிந்தாவின் பாணியில் நடனமாடியது சமூக வலைத் தளங்களில் வைரலானது.
இந்நிலையில் கல்லூரிப் பேராசிரியர் சஞ்சீவ் ஸ்ரீவாஸ்தவாவின் நடன அசைவுக்கு பேஸ்புக், டுவிட்டர் மூலம் பாராட்டுகள் குவிந்து வருகின்றமையும் இங்கு குறிப்பிடத்தக்கது.