அடுத்த பிரச்சினைக்கு தயாரான பிக்பாஸ் வீடு!!

பிக்பாஸ் தமிழ் 6 ஆவது சீசன் கடந்த ஒக்டோபர் மாதம் 9 ஆம் திகதி ஆரம்பமாகியது. இந்த பிக்பாஸ் நிகழ்ச்சி விறுவிறுப்பாக நடைபெற்று 15 நாட்களை கடந்துவிட்டது. 

கடந்த வாரம் முதல் நபராக சாந்தி வெளியேற்றப்பட்டார். மேலும் ஜி.பி. முத்து தாமாக முன் வந்து நிகழ்ச்சியை விட்டு வெளியேறினார். இந்நிலையில், தற்போது வெளியான இரண்டாவது புரோமோவில் பிக்பாஸ் வீட்டில் தீபாவளி கொண்டாட்டம் நடைபெற்று வருகிறது. அதில் போட்டியாளர்களிடம் வரிசையாக கேள்விகள் கேட்கப்படுகின்றன. இந்த கேள்விகளை நடிகை மைனா கேட்கிறார்.

அப்போது இந்த வீட்டுக்கு தோரணம் மாதிரி இருப்பது யார் என்ற கேள்வி கேட்கப்படுகிறது. இதற்கு அமுதவாணன் என்று மகேஸ்வரி பதிலளிக்கிறார். பின்னர் தொடர்ந்து பல கேள்விகள் கேட்கப்படுகின்றன. 

கடைசியாக தீப்பெட்டி மாதிரி கொளுத்தி போடுவது யாரு என்ற கேள்வி கேட்கப்படுகிறது. இதோடு இந்த புரோமோ முடிவடைகிறது. இதற்கு பதிலளித்தால் வீட்டில் பல பிரச்சினைகள் வெடிக்கும் என்று கருதப்படுகின்றது.