உக்ரைன் படைகளுக்கு இராணுவ பயிற்சி!! -ஐரோப்பிய ஒன்றியம் அதிரடி திட்டம்-

ரஷியாவை எதிர்த்து போராடுவதற்கு உக்ரைன் படையினருக்கு இராணுவ பயிற்சி அளிக்க ஐரோப்பிய ஒன்றியம் தீர்மானித்துள்ளது. 

உக்ரைன் மீது கடந்த பெப்ரவரி மாதம் 24 ஆம் திகதி ரஷியா தனது இராணுவ படைகளை அனுப்பி தாக்குதலை தொடங்கி இன்றுவரை போர் தொடுத்து வருகின்றது. 

இந்நிலையில், ஐரோப்பிய ஒன்றியம் உக்ரைனுக்கு இராணுவ ஆதரவை அதிகரிக்க உள்ளது. அதன்படி, ஐரோப்பிய ஒன்றியம் 15,000 உக்ரேனிய படையினருக்கு பயிற்சி வழங்க உள்ளது. 

ஐரோப்பிய ஒன்றியம் ஆயுதங்களுக்காக 500 மில்லியன் யூரோக்களை கூடுதலாக வழங்க உள்ளது. ஐரோப்பிய ஒன்றிய உறுப்பு நாடுகள் லக்சம்பேர்க்கில் நடைபெறும் கூட்டத்தில் இது தொடர்பான முக்கிய முடிவுகளில் கையெழுத்திடும் என்று எதிர்பார்க்கப்படுகிறது. அடுத்த மாதம் முதல் உக்ரேனிய படையினர்களுக்கு பயிற்சி வழங்கப்படும் என்று எதிர்பார்க்கப்படுகிறது.