தென்னாபிரிக்காவுக்கு எதிரான தொடரைக் கைப்பற்றியது இந்தியா அணி!!

இந்தியாவுக்கும் தென் ஆபிரிக்காவுக்கும் இடையில் டெல்லி, அருண் ஜெய்ட்லி விளையாட்டரங்கில் நேற்று நடைபெற்ற தீர்மானம் மிக்க 3 ஆவதும் கடைசியுமான சர்வதேச ஒருநாள் கிரிக்கெட் போட்டியில் 7 விக்கெட்களால் இந்தியா வெற்றி பெற்றுள்ளது. 

இந்த வெற்றியுடன் 3 போட்டிகள் கொண்ட சர்வதேச ஒருநாள் கிரிக்கெட் தொடரை 2 - 1 என்ற ஆட்டக் கணக்கில் இந்தியா கைப்பற்றியது. அத்துடன் ஐசிசி  கிரிக்கெட்  உலகக் கிண்ண சுப்பர் லீக் தொடருக்கான 4 புள்ளிகளை இந்தியா பெற்றதுடன் தென் ஆபிரிக்காவுக்கு 2 புள்ளிகள் கிடைத்தது.

தென் ஆபிரிக்காவை 27.1 ஓவர்களில் 99 ஓட்டங்களுக்கு சுருட்டிய இந்தியா, 19.1 ஓவர்களில் வெற்றி இலங்கை அடைந்தமை குறிப்பிடத்தக்கது.

தென் ஆபிரிக்காவினால் நிர்ணயிக்கப்பட்ட 100 ஓட்டங்களை வெற்றி இலக்காகக் கொண்டு பதிலுக்கு துடுப்பெடுத்தாடிய இந்தியா 3 விக்கெட்களை இழந்து 105 ஓட்டங்களைப் பெற்று இலகுவாக வெற்றியீட்டியது.