தொடர்ந்து லீக் ஆகும் தளபதியின் வாரிசு பட காட்சிகள்!! -அதிர்ச்சியில் படக்குழுவினர்-

முன்னணி இயக்குணர்களில் ஒருவரான இயக்குனர் வம்சி பைடிப்பள்ளி இயக்கத்தில் தளபதி விஜய் நடித்து வரும் வாரிசு படத்தின் படப்பிடிப்பு விறுவிறுப்பாக நடைபெற்று வரும் நிலையில் அப் படப்பிடிப்பு காட்சிகள் இணையத்தில் கசிந்துள்ளது.

வாரிசு படத்தின் படப்பிடிப்பு காட்சிகள் இணையதளத்தில் தொடர்ந்து வெளியாகி படக்குழுவினருக்கு அதிர்ச்சியை ஏற்படுத்தி வருகிறது. சில வாரங்களுக்கு முன்பு சென்னை கிழக்கு கடற்கரை சாலையில் படப்பிடிப்பை நடத்தியபோது, சிலர் அதை திருட்டுத்தனமாக படம் பிடித்து இணையதளத்தில் பகிர்ந்தனர்.

சில தினங்களுக்கு முன்பு வாரிசு படப்பிடிப்பில் தளபதி விஜய் கோட் சூட் அணிந்து தொழிலாளர்களுடன் பேசுவது போன்ற புகைப்படம் கசிந்தது. மருத்துவமனையில் நடந்த வாரிசு படப்பிடிப்பை செல்போனில் படம்பிடித்து சிலர் இணையதளத்தில் வெளியிட்டனர்.

இந்த நிலையில் தளபதி விஜய்யும், படத்தின் நாயகி ராஷ்மிகா மந்தனாவும் காதல் காட்சியில் பங்கேற்று நடனம் ஆடும் வீடியோ இணையத்தில் கசிந்துள்ளது. 26 நொடிகள் கொண்ட வீடியோ காட்சி லீக் ஆனதால் படக்குழு அதிர்ச்சியடைந்துள்ளனர். தொடர்ந்து வாரிசு காட்சிகள் இணையத்தில் லீக் ஆகி வருவதால் படக்குழு குழப்பத்தில் உள்ளனர்.