அரசியலில் களமிறங்கும் நடிகை திரிஷா!! -காங்கிரஸ் கட்சியில் இணைய வாய்ப்பு-

தமிழ் சினிமாவில் பல்வேறு படங்களில் நடித்து பிரபலமடைந்த நடிகை திரிஷா மிக விரைவில் அரசியலில் நுழையப் உள்ளதாக தகவல்கள் வெளியாகி வருகின்றன. 

நடிகை திரிஷா தனது 39 ஆவது வயதில் அரசியல் வாழ்க்கையை ஆரம்பிக்க விரும்புவதாக கூறப்படுகிறது. திரிஷா காங்கிரஸ் கட்சியில் இணைய உள்ளதாக தகவல்கள் தெரிவிக்கின்றன.ஆனால், இது குறித்து திரிஷா தரப்பில் இருந்து அதிகாரப்பூர்வ அறிவிப்பு எதுவும் வெளியாகவில்லை.

இந்நிலையில் திரிஷா காங்கிரஸ் கட்சியில் இணைய வாய்ப்பு உள்ளதாகவும், காங்கிரசின் மூத்த தலைவர்கள் திரிஷாவை தொடர்பு கொண்டு இதுகுறித்து பேசி வருவதாகவும் இணையதளங்களில் தகவல் பரவி உள்ளது. 

ஏற்கனவே காங்கிரசில் இணைந்து பணியாற்றிய நடிகை குஷ்பு பா.ஜ.க. வில் சேர்ந்து விட்டதால் திரிஷாவை கட்சியில் இணைத்து பிரசாரத்துக்கு பயன்படுத்தி காங்கிரசுக்கு புத்துணர்ச்சியை ஏற்படுத்த கட்சியினர் திட்டமிடுகிறார்கள் என்று கூறப்படுகிறது. இருப்பினும் இது குறித்து திரிஷா தரப்பில் இருந்து அதிகாரப்பூர்வ அறிவிப்பு எதுவும் வெளியாகவில்லை.