ஒரு சதம் கூட அடிக்காமல் 1000 நாட்களை கடந்த கோலி!!

சர்வதேச கிரிக்கெட் போட்டிகளில் 70 சதங்களை குவித்துள்ள விராட் கோலி, கடந்த 3 ஆண்டுகளாக தனது 71 ஆவது சதத்தினை அடிக்க முடியாமல் திணறிவருகிறார்.

விராட் கோலி சமகால கிரிக்கெட்டின் தலைசிறந்த வீரர்களில் ஒருவராக கருதப்படுகிறார். சர்வதேச கிரிக்கெட்டில் சதங்களையும் சாதனைகளையும் குவித்துவந்த நிலையில், கோலி கடந்த 3 ஆண்டுகளாக சதங்கள் அடிக்க திணறிவருகிறார்.

சர்வதேச கிரிக்கெட்டில் 70 சதங்களை குவித்துள்ள விராட் கோலி, 3 ஆண்டுகளாக 71 ஆவது சதம் அடிக்க முடியாமல் திணறிவருகிறார். இறுதியாக 2019 நவம்பர மாதம் 23 ஆம் திகதி சதமடித்த விராட் கோலி, அதன்பின்னர் இன்று வரை சதமடிக்கவில்லை.

இந்நிலையில் நேற்று வெள்ளிக்கிழமையுடன் அவர் சதமடித்து 1000 நாட்கள் நிறைவடைந்துவிட்டன. ஆயிரம் நாட்களாக கோலி ஒரு சதம் கூட அடிக்காதது குறித்து சமூக வலைத்தளங்களில் அவரது ரசிகர்கள் சோகத்தை வெளிப்படுத்தி வருகின்றனர்.

ஆனால் அவரது இறுதி சதத்திற்கு பின்னர் அவர் 24 அரை சதங்கள் அடித்துள்ளார். அதிகபட்சமாக இந்த ஆண்டுகளில் அவர் 94 (ஆட்டமிழக்காமல்) அடித்துள்ளார். விராட் கோலியின் அடுத்த சதத்தை எதிர்பார்த்து இந்தியாவை கடந்து மற்ற நாடு கிரிக்கெட் ரசிகர்களும் காத்திருக்கின்றனர்.