கட்டுப்பாடற்ற வேகத்தினால் கவிழ்ந்து விபத்துக்குள்ளான பேருந்து! 4 பேர் படுகாயம்..

வேக கட்டுப்பாட்டினை இழந்த தனியார் பேருந்து வீதியை விட்டு விலகி கவிழ்ந்து விபத்துக்குள்ளாகியுள்ளது. 

குறித்த விபத்து சம்பவத்தில் 4 பேர் படுகாயமடைந்துள்ளனர். குறித்த விபத்து நுவரெலியா - லபுக்கலை பகுதியில் நேற்று மாலை இடம்பெற்றுள்ளது. 

பஸ்ஸில் 30இற்கும் மேற்பட்டோர் பயணித்துள்ளதாகவும், விபத்தின் போது, 4 பேர் காயங்களுக்குள்ளாகியுள்ளனர்.

பஸ் சாரதியால் வேகத்தை கட்டுப்படுத்த முடியாமல் போனதால் இந்த விபத்து நேர்ந்ததாக விசாரணைகளின்போது தெரியவந்துள்ளது.

இவ்விபத்தில் காயமடைந்த 4 பேரும், நுவரெலியா மாவட்ட வைத்தியசாலையில் அனுமதிக்கப்பட்டு, தொடர்ந்தும் சிகிச்சை பெற்று வருகின்றனர். 

இவ்வாறு காயமடைந்தவர்களில் சிறுவர்களும் அடங்குகின்றனர் என வைத்தியசாலை வட்டாரங்கள் மேலும் தெரிவித்தன.

இவ்விபத்து தொடர்பில் நுவரெலியா போக்குவரத்து பொலிஸார் மேலதிக விசாரணைகளை மேற்கொண்டு வருகின்றனர்.