பிரித்தானியாவில் காணாமல் போன இலங்கை வீரர்கள்!! -தேடிக் கண்டுப்பிடித்த பொலிஸார்-

பொதுநலவாய விளையாட்டுப் போட்டியில் பங்கு கொள்ள பிரித்தானியா சென்ற நிலையில் காணாமல் போன இலங்கை வீரர்களில் இருவர் கண்டுபிடிக்கப்பட்டுள்ளதாக அந்நாட்டு பொலிஸார் தகவல் வெளியிட்டுள்ளனர். 

இத்தகவலை வெளியிட்டுள்ள வெஸ்ட் மிட்லாண்ட்ஸ் பொலிஸார் காணாமல் போனவர்களில் ஒருவரை இன்னும் காணவில்லை என்றும் மேலும் தகவல் தெரிவித்துள்ளனர். 

ஒரு மல்யுத்த வீரர், ஜூடோ நட்சத்திரம் மற்றும் ஜூடோ பயிற்சியாளர் திங்கட்கிழமை முதல் காணாமல் போயிருந்தனர். மூவரும் முன்னதாகவே தங்களது கடவுச்சீட்டை ஒப்படைத்ததால் இங்கிலாந்தை விட்டு வெளியேற முடியவில்லை.

அவர்கள் காணாமல் போனதை அடுத்து, பர்மிங்காமில் உள்ள இலங்கை அணியில் எஞ்சியிருந்த அனைத்து உறுப்பினர்களிடமிருந்தும் அதிகாரிகள் தற்போது ஆவணங்களை அகற்றியுள்ளனர். காணாமல் போனவர்களில் இரண்டு பேர் இப்போது கண்டுபிடிக்கப்பட்டுள்ளதாக வெஸ்ட் மிட்லாண்ட்ஸ் பொலிஸார் ஒரு அறிக்கையில் உறுதிப்படுத்தியுள்ளனர்.

30 வயதான பெண் ஒருவரும், 40 வயதான ஆண் ஒருவருமே கண்டுப்பிடிக்கப்பட்டுள்ளதாகவும், இவர்கள் கடந்த முதலாம் திகதி காணாமல் போனதாக முறைப்பாடு செய்யப்பட்டது. மூன்றாம் நபர் காணாமல் போனமை குறித்து ஆகஸ்ட் 4 ஆம் ம் திகதி முறைப்பாடு செய்யப்பட்டுள்ளது.

20 வயதான அந்த நபரை கண்டுபிடிக்க தொடர்ந்து விசாரணை நடைபெற்று வருவதாக தெரிவிக்கப்பட்டுள்ளது. இலங்கை அணியில் 161 விளையாட்டு வீரர்கள் மற்றும் பயிற்சி ஊழியர்கள் உள்ளனர், அவர்கள் ஒவ்வொருவருக்கும் விளையாட்டுகளுக்கு முன்னதாக அரசாங்கத்தால் நிலையான 180 நாள் விசாக்கள் வழங்கப்பட்டன.

இச் சம்பவத்திற்குப் பின் அனைத்து விளையாட்டு வீரர்களும் அதிகாரிகளும் தங்கள் கடவுச்சீட்டை அதிகாரிகளிடம் சமர்ப்பிக்குமாறு நாங்கள் கேட்டுக் கொண்டோம். பொலிஸார் விசாரணை நடத்தி வருகின்றனர்.