இந்திய அணி 3 ஓட்டங்களால் வெற்றி!!

மேற்கிந்தியத் தீவுகள் கிரிக்கெட் அணிக்கு எதிரான முதலாவது ஒருநாள் சர்வதேச கிரிக்கெட் போட்டியில், இந்திய கிரிக்கெட் அணி 3 ஓட்டங்களால் வெற்றிபெற்றது.

போர்ட் ஒப் ஸ்பெய்னில் நேற்று நடந்த இந்தப் போட்டியில், நாணய சுழற்சியில் வெற்றிபெற்ற மேற்கிந்தியத் தீவுகள் அணி, முதலில் களத்தடுப்பில் ஈடுபடுத் தீர்மானித்தது.

இதன்படி, முதலில் துடுப்பெடுத்தாடிய இந்திய அணி, 50 ஓவர்களில், 7 விக்கட்டுக்களை இழந்து 308 ஓட்டங்களைப் பெற்றது.

பின்னர், 309 என்ற வெற்றி இலக்கை நோக்கிப் பதிலளித்தாடிய மேற்கிந்தியத் தீவுகள் அணி, 50 ஓவர்களில் 6 விக்கட்டுக்களை இழந்து, 305 ஓட்டங்களைப் பெற்று தோல்வியடைந்தது.

இந்த வெற்றியின் மூலம், 3 போட்டிகள் கொண்ட ஒருநாள் தொடரில், 1 க்கு 0 என்ற அடிப்படையில், இந்திய அணி முன்னிலையில் உள்ளது.