மனைவியாக வாழ 25 இலட்சம் சம்பளம்!! -பிரபல நடிகை பரபரப்பு தகவல்-

விஷ்ணு என்ற தெலுங்கு படத்தில் நடித்து திரையுலகில் பயணிக்க ஆரம்பித்த நடிகை நீத்து சந்திரா அதன் பின் தமிழில் மாதவன் நடித்த யாவரும் நலம் படம் மூலம் ரசிகர்களிடையே அறிமுகம் பெற்றார். 

ஜெயம் ரவியின் ஆதி பகவன், விஷாலின் தீராத விளையாட்டு பிள்ளை உள்ளிட்ட படங்களிலும் நடித்துள்ளார். அதன்பின்னர் படங்களில் நடிக்க வாய்ப்புகள் கிடைக்காத நிலையில், சிங்கம் 3, சேட்டை, திலகர் ஆகிய தமிழ் படங்களில் ஒரு பாடலுக்கு நடனம் ஆடியிருக்கிறார்.

தமிழ், தெலுங்கு, இந்தி மற்றும் கன்னட படங்களில் நடித்துள்ள நீத்து சந்திரா, அண்மையில் வழங்கிய பேட்டி பரபரப்பை ஏற்படுத்தியுள்ளது. அவர் பேசும்போது, தேசிய விருது வென்ற 13 பேருடன் மற்றும் பெரிய படங்களில் நான் பணிபுரிந்து இருக்கிறேன். 

ஆனால், இன்று நான் ஒன்றும் இல்லை. என்னுடைய கதை ஒரு வெற்றி பெற்ற நடிகையின் தோல்வியடைந்த கதை. ஒரு பெரிய தொழிலதிபர் என்னிடம் வந்து, அவருடன் சம்பளத்திற்கு மனைவியாக இருக்க, மாதம் 25 இலட்சம் ரூபா தருகிறேன் என்றார்.

ஒரு பிரபல இயக்குனர், அவருடைய பெயரை வெளியிட நான் விரும்பவில்லை. ஆடிசனுக்கு என்னை கூப்பிட்டு விட்டு ஒரு மணிநேரத்தில் நிராகரித்து விட்டார். என்னை நிராகரிப்பதற்காகவே அவர் ஆடிசனுக்கு அழைத்து உள்ளார். அதனால், எனது நம்பிக்கை உடைந்து போகட்டும் என்ற நோக்கில் அவர் அப்படி செய்துள்ளார் என்று மிகுந்த வருத்தத்துடன் கூறியுள்ளார்.