இசைஞானிக்கு கௌரவ பதவி!!

இந்தியாவின் தமிழகத்தைச் சேர்ந்த பிரபர இசையமைப்பாளர் இளையராஜா மாநிலங்களவை நியமன உறுப்பினராக நியமிக்கப்பட்டுள்ளார்.

தமிழ் திரையுலகில் இசையமைப்பாளராக பெரும் பங்காற்றிய இளையராஜா 1,000 படங்களுக்கு மேலாக இசையமைத்துள்ளார். மேலும் ஐந்து முறை தேசிய விருதுகளை வென்றுள்ளார். 

இளையராஜாவுக்கு இந்திய அரசு பத்ம பூஷன் விருது, பத்ம விபூஷன் உள்ளிட்ட விருதுகளை வழங்கி இருக்கிறது.

இளையராஜாவுக்கு வாழ்த்து தெரிவித்த பிரதமர் மோடி, தனது டுவீட்டரில் ஹஇளையராஜாவின் படைப்பு தலைமுறைகளைக் கடந்து மக்களை மகிழ்வித்திருக்கிறது. 

அவரின் இசை பல உணர்வுகளை பிரதிபலித்திருக்கிறது. அதே அளவுக்கு அவருடைய வாழ்க்கைப் பயணமும் ஊக்கமளிக்கக்கூடியது. அவர் ஒரு சாதாரண குடும்பத்திலிருந்து வளர்ந்து நிறைய சாதித்துள்ளார். அவர் ராஜ்யசபாவுக்கு வருவதில் மகிழ்ச்சி' எனக் குறிப்பிட்டுள்ளார்.