கவிஷா தில்ஹாரியின் போராட்டம் வீண்!! -இலங்கை மகளிர் அணியை 34 ஓட்டங்களால் வென்ற இந்திய-

இந்திய பெண்கள் கிரிக்கெட் அணிக்கும், இலங்கை பெண்கள் கிரிக்கெட் அணியும் மோதிய முதல் ரி-20 போட்டி இன்று வியாழக்கிழமை நடைபெற்றது. இதில் நாணயசுழல்ச்சியில் வெற்றி பெற்ற இந்திய பெண்கள் அணி துடுப்பாட்டத்தை தெரிவு செய்தது. 

இதனையடுத்து களமிறங்கிய இந்திய அணி 20 ஓவர் முடிவில் 138 ஓட்டங்களை பெற்றது. அதிகப்பட்சமாக ஜெமிமா ரோட்ரிக்ஸ் 36 ஓட்டங்களை பெற்றுக் கொடுத்தார். அதிரடியாக விளையாடிய தீப்தி வர்மா 8 பந்தில் 17 ஓட்டங்களை பெற்றார். 

139 ஓட்டங்கள் பெற்றால் வெற்றி என்ற இலக்குடன் இலங்கை அணி களமிறங்கியது. ஓரு ஓட்டத்தை பெற்றுக் கொள்ள முன்னரே ஒரு விக்கெட்டை இலங்கை அணி பறிக்கொடுத்தது. நிதானமாக விளையாடிய சாமரி அதபத்து-ஹர்ஷிதா மாதவி ஆகிய இருவரின் விக்கெட்டை ஒரே ஓவரில் ராதா யாதவ் வீழ்த்தினார்.

அடுத்து வந்த வீராங்கனைகள் நிலாக்ஷி டி சில்வா 8, காஞ்சனா 11 ஓட்டங்களுடன் வெளியேறினார்கள். ஒரு முனையில் வெற்றிக்காக போராட்டிய கவிஷா தில்ஹாரி 47 ஓட்டங்களை பெற்று கடைசி வரை களத்தில் இருந்தார்.

20 ஓவர் முடிவில் இலங்கை பெண்கள் அணி 5 விக்கெட்டுகளை இழந்து 104 ஓட்டங்களை மட்டுமே எடுத்தது. இதனால் இந்திய அணி 34 ஓட்டங்கள் வித்தியாசத்தில் வெற்றி பெற்றது. இந்திய அணி தரப்பில் ராதா யாதவ் 2 விக்கெட்டுகளை கைப்பற்றினார்.

இரு அணிகளுக்கும் இடையேயான 2 ஆவது ரி-20 போட்டி நாளை மறுதினம் சனிக்கிழமை நடைபெறும் என்பது குறிப்பிடத்தக்கது.