லங்கா பிறீமியர் லீக் 3 ஆவது அத்தியாயம்!! -ஜூலை 31 இல் ஆரம்பம்-

ஸ்ரீலங்கா கிரிக்கெட் நிறுவனத்தினால் நடாத்தப்படும் லங்கா பிறீமியர் லீக் (எல்.பி.எல்) ரி-20 கிரிக்கெட்டின் 3 ஆவது அத்தியாயம் ஜூலை 31 ஆம் திகதியிலிருந்து ஆகஸ்ட் 21 ஆம் திகதிவரை நடைபெறவுள்ளது.

சர்வதேச கிரிக்கெட் வீரர்கள் மற்றும் வெளிநாட்டு, உள்நாட்டு வீரர்களின் பங்குபற்றலுடனான எல்.பி.எல் சுற்றுப் போட்டி கொழும்பு ஆர்.பிரேமதாச விளையாட்டரங்கிலும் ஹம்பாந்தோட்டை மஹிந்த ராஜபக்ஷ சர்வதேச கிரிக்கெட் விளையாட்டரங்கிலும் நடைபெறும்.

5 அணிகள் பங்குபற்றும் லீக் போட்டிகள் கொழும்பிலும் இறுதிச் சுற்று ஹம்பாந்தோட்டையிலும் நடத்தப்படும். லங்கா பிறீமியர் லீக் தொடரில் மொத்தம் 24 போட்டிகள் நடத்தப்படும். சர்வதேச மற்றும் வெளிநாட்டு வீரர்களைப் பதிவு செய்யும் பணிகள் விரைவில் ஆரம்பிக்கப்படவுள்ளது. 

எல.;பி.எல் அங்குரார்ப்பண அத்தியாயத்தில் திசர பெரேரா தலைமயிலான ஜெவ்னா ஸ்டாலியன்ஸ் சம்பியனானது. 

இரண்டாவது அத்தியாயத்தில் மீண்டும் திசர பெரேரா தலைமையில் ஜெவ்னா கிங்ஸ் (ஸ்டாலியன்ஸின் புதிய பெயர்) சம்பியனாகி இருந்தது.