"யாழ்.பல்கலையின் SecurityPremier League" -வெற்றிக் கிண்ணத்தை தனதாக்கிய unisuper kings-

யாழ்.பல்கலைக்கழக  பாதுகாப்பு நலன்புரிச்சங்கம் முதன் முறையாக நடாத்திய  SecurityPremier League (எஸ்.பி.எல்) முதலாவது பருவகால தொடரின் வெற்றிக்கிண்ணத்தினை unisuper kings சுவீகரித்துக் கொண்டது. 

ஆறு அணிகள் கலந்து கொண்ட 10 பந்து பரிமாற்றங்களை கொண்ட மென்பந்து துடுப்பாட்டச் சுற்றுப்போட்டியில் இறுதிப் போட்டியில் UniJaffna kings அணியை எதிர்த்து UniSuper Kings அணி மோதின.

முதலில் துடுப்பெடுத்தாடிய uniJaffna kings 10 பந்து பரிமாற்றங்கள் நிறைவில் 8 இலக்குகளை இழந்து 75 ஓட்டங்களை பெற்றுக்கொண்டது. பதிலுக்கு துடுப்பெடுத்தாடிய unisuper kings  அணியினர் 9.3 பந்து பரிமாற்றங்களில் 3 இலக்கினை இழந்து வெற்றி இலக்கினை அடைந்தார்கள். 

இப் போட்டியில் ஆரம்ப ஆட்டக்காரராக உள் நுழைந்த சபாநாத் இறுதிவரை ஆட்டமிழக்காமல் 45 ஓட்டங்களை பெற்றதுடன் போட்டியின் ஆட்டனாயகனாவும் தெரிவு செய்யப்பட்டார். 

இறுதிப்போட்டி பரிசில் வழங்கும் நிகழ்வில் யாழ்.பல்கலைக்கழக  துணைவேந்தர் பேராசிரியர் சி.சிறீசற்குணராஜா பிரதம அதிதியாகவும், சிறப்பு விருந்தினராக பேராசிரியர் கண்ணதாசனும் கலந்து சிறப்பித்திருந்தமை குறிப்பிடத்தக்கது.