மின்சாரம் தாக்கி 11 பேர் பலி!! -தஞ்சை தேர் திருவிழாவில் நடந்த சோகம்-

இந்தியாவில் தஞ்சை தேர் திருவிழா நடந்து கொண்டிருந்த நேரம் திடீரென மின்சாரம் தாக்கிய துயர சம்பவத்தில் 11 பேர் உயிரிழந்துள்ளனர் என்று அங்கிருந்து வரும் தகவல்கள் தெரிவிக்கின்றன. 

தஞ்சாவூர் அருகே களிமேடு கிராமத்தில் அப்பர் குருபூஜைக்கான சித்திரை திருவிழா தேரோட்டம் இன்று புதன்கிழமை அதிகாலை நடைபெற்றது. அப்போது, தேர் மீது மின்சாரம் பாய்ந்து ஏற்பட்ட விபத்தில் 11 பேர் உயிரிழந்தனர். 10 க்கும் மேற்பட்டோர் படுகாயமடைந்தனர்.

இந்நிலையில், தஞ்சை தேர் திருவிழாவில் மின்சாரம் பாய்ந்து உயிரிழந்தவர்களின் குடும்பத்தினருக்கு பிரதமர் மோடி இரங்கல் தெரிவித்துள்ளார்.