விமானத்தில் வைத்து சக பயணியை தாக்கிய மைக் டைஸன்!!

மைக் டைஸன் ஏற்கனவே அவருடைய வன்முறை நடவடிக்கைகளுக்கு பெயர்போனவர், 1997ம் ஆண்டு ஒருவரது காதை மைக் டைசன் கடித்து துப்பியது குறிப்பிடத்தக்கது.

பிரபல முன்னாள் குத்துச்சண்டை வீரர் மைக் டைஸன், விமானத்தில் பயணித்துக் கொண்டிருந்த சக பயணி ஒருவரை விமானத்தில் வைத்து தாக்கிய சம்பவம் பரபரப்பை ஏற்படுத்தியுள்ளது.

அவர் சான்பிரான்ஸிஸ்கோ விமான நிலையத்தில் இருந்து புறப்பட்ட விமானத்தில் பயணம் மேற்கொண்டார். அப்போது அவருக்கு பின் இருக்கையில் அமர்ந்திருந்த நபர் ஒருவர் தொடர்ந்து மைக் டைஸனை தொந்தரவு செய்வது போல பேசிகொண்டே இருந்துள்ளார். 

இதனால் கோபமடைந்த மைக் டைஸன் தன் இருக்கையில் இருந்து எழுந்து, பின் இருக்கையை இருந்து தொந்தரவு கொண்டுத்தவரின் முகத்தில் சராமாரியாக தாக்கியுள்ளார். 

இத்தாக்குதலில் குறித்த பயணியின் முகத்தில் காயம் ஏற்பட்டுள்ளது. இதுகுறித்து சக பயணிகள் கூறுகையில், 

மைக் டைஸன் அந்த பயணியை அமைதியாக இருக்கும்படி கூறிவந்தார். ஆனால் அந்த பயணியோ அவரை தொந்தரவு செய்யும்படி காதில் கத்தியபடியே இருந்தார். இதனால் டைசன் அவரை தாக்கினார். பின்னர் விமானம் கிளம்புவதற்கு முன் மைக் டைசன் விமானத்தில் இருந்து வெளியேறினார் என கூறியுள்ளனர்.

மைக் டைஸன் ஏற்கனவே அவருடைய வன்முறை நடவடிக்கைகளுக்கு பெயர்போனவர், 1997ம் ஆண்டு ஒருவரது காதை மைக் டைசன் கடித்து துப்பியது குறிப்பிடத்தக்கது.