நடிகையின் காருக்குள் திடீரென ஏறிய இளைஞர்!!

நிகழ்வென்றில் கலந்து கொண்ட பின் அங்கிருந்து புறப்பட்ட நடிகை ஷில்பா ஷெட்டியின் காருக்குள் இளைஞர் ஒருவர் அத்துமீறி ஏறி அமர்ந்து கொண்டதால் பெரும் பரபரப்பு ஏற்பட்டுள்ளது. 

பிரபல இந்தி நடிகை ஷில்பா ஷெட்டி தமிழில், பிரபுதேவாவுடன் 'மிஸ்டர் ரோமியோ' படத்தில் நடித்துள்ளார். தளபதி விஜய்யின் குஷி படத்தில் ஒரு பாடலுக்கு நடனம் ஆடி உள்ளார். 

தொழில் அதிபர் ராஷ்குந்த்ராவை திருமணம் செய்து கொண் அவருக்கு ஷமிஷா என்ற மகள் உள்ளார். ஷில்பா ஷெட்டி தொலைக்காட்சி நடிகை சுமிருதி கன்னாவின் மகள் பிறந்த நாள் நிகழ்ச்சியில் பங்கேற்க, மும்பை ஜூ{ஹ பகுதியில் உள்ள அவரது வீட்டுக்கு தனது மகளுடன் சென்று இருந்தார். 

குறித்த விழா முடிந்தபின் வீட்டுக்கு திரும்ப தனது காரில் வந்து ஏறினார். அப்போது அங்கு நின்ற இளைஞர் ஒருவர் திடீரென ஷில்பா ஷெட்டியின் காருக்குள் அத்துமீறி ஏறி உட்கார்ந்தார். அவரை பார்த்து ஷில்பா ஷெட்டி அதிர்ச்சியானார். 

அவரிடம் கீழே இறங்கும்படி கண்டித்து கூச்சல் போட்டார். உடனே அங்கிருந்த பாதுகாவலர்கள் ஓடி வந்து குறித்த இளைஞரை காரில் இருந்து வெளியே இழுத்தனர். பின்னர் கார் கதவை அடைத்து ஷில்பா ஷெட்டியை அனுப்பி வைத்தனர். இதனால் அங்கு சிறிது நேரம் பரபரப்பு ஏற்பட்டது. அந்த இளைஞர் ஷில்பா ஷெட்டி மற்றும் அவரது மகளுடன் புகைப்படம் எடுத்துக்கொள்ள காரில் ஏறியதாக கூறியுள்ளார்.