வேலை கிடைப்பாமல் அலைந்த உயரம் குறைந்த இளைஞர்!! -வேலை கொடுக்க தேடி வந்த 35 நிறுவனங்கள்-

வேலை இல்லாமல் மிகுந்த சிரமங்களுக்கு முகம் கொடுத்து வந்த உயரம் குறைந்த இளைஞருக்கு சமூக வலைதள பதிவு காரணமாக, 35 நிறுவனங்கள் வேலைக்கு அழைப்பு விடுத்துள்ளன.

மத்திய பிரதேசத்தில் உள்ள குவாலியரை சேர்ந்த அங்கேஷ் கோஷ்தி, 3.7 அடி உயரம் கொண்டவர். அதனால், குழந்தைப் பருவத்தில் இருந்தே கேலி, கிண்டலுக்கு ஆளானார். ஆனால், இதை மீறி அவர் பட்டப் படிப்பை முடித்து, 2020 இல் இருந்து வேலை தேடி வருருகின்றார். அவரது உயரம் காரணமாக எங்குமே வேலை கிடைக்கவில்லை.

இந்நிலையில், அவர் தனது நிலைமை தொடர்பில் 'வீடியோ' எடுத்து, சமூக வலைதளத்தில் வெளியிட்டார். அந்த வீடியோவை ஏராளமானோர் பகிர்ந்து இருந்தனர். அடுத்த சில மணிநேரத்தில், அங்கேஷ் கோஷ்திக்கு வேலை தர பல நிறுவனங்கள் முன் வந்தன. இதுவரை 35 நிறுவனங்கள் அங்கேஷை 'இன்டர்வியூ'வுக்கு அழைத்துள்ளன.