ஐ.பி.எல் தொடரிலிருந்து விலகினார் தீபக் சாஹர்!! -சோகத்தில் சி.எஸ்.கே ரசிகர்கள்-

சென்னை அணியின் நட்சத்திர வேகப்பந்துவீச்சாளர் தீபக் சாஹர் நடைபெற்றுவரும் ஐ.பி.எல் ரி-20 கிரிக்கெட் தொடரிலிருந்து விலகியுள்ளார் என்று தெரிவிக்கப்பட்டுள்ளது. 

ஐ.பி.எல் ரி-20 தொடரின் 15 ஆவது சீசன் சுவாரசியமாக சென்று கொண்டு இருக்கிறது. இந்த தொடரில் இதுவரை 5 போட்டிகளில் விளையாடியுள்ள சென்னை ஒரு போட்டியில் மட்டும் வெற்றி பெற்றுள்ளது .

சென்னை அணியின் நட்சத்திர வேகப்பந்துவீச்சாளர் தீபக் சாஹர் முதுகில் ஏற்பட்ட காயம் காரணமாக இந்த ஐ.பி.எல் தொடரில் பங்கேற்காமல் இருந்தார். ஒரு சில போட்டிகளுக்கு பின் அவர் சென்னை அணிக்காக விளையாடுவர் என எதிர்பார்க்கப்பட்டது .

இந்நிலையில்  தீபக் சாஹர்  இந்த ஐ.பி.எல் தொடரிலிருந்து  விலகியுள்ளார் .இது சென்னை அணி ரசிகர்களுக்கு சோகத்தை ஏற்படுத்தியுள்ளது 

இந்த ஆண்டு நடைபெற்ற ஐ.பி.எல் ஏலத்தில் 14 கோடி ரூபாவிற்கு தீபக் சாஹர் எடுக்கப்பட்டார். சென்னை அணியில் அதிகபட்ச விலைக்கு எடுக்கப்பட்ட வீரரும் இவர்தான் என்பது குறிப்பிடத்தக்கது.