ஜ.பி.எல் தொடரிலிருந்து இலங்கை வீரர்கள் விலகி போராட்டத்திற்கு ஆதரவளிக்க வேண்டும்!! -வலியுறுத்தும் அர்ஜுன ரணதுங்க-

ஜ.பி.எல் ரி-20 தொடரில் விளையாடும் அனைத்து இலங்கை வீரர்களும், நாட்டுக்கு வந்து தற்போது இங்கு நடைபெற்றுவரும் போராட்டங்களுக்கு ஆதரவளிக்குமாறு, இலங்கை அணியின் முன்னாள் தலைவர் அர்ஜுன ரணதுங்க கோரிக்கை விடுத்துள்ளார். 

ஐ.பி.எல் ரி-20 தொடரில் விளையாடும் சில வீரர்கள், தங்களின் நாட்டைப் பற்றி ஏன் பேசுவதில்லை என்பது தமக்கு தெரியாதுள்ளதென அர்ஜுன் ரணதுங்க கூறியதாக இந்திய ஊடகமொன்று தெரிவித்துள்ளது.

இந்த கிரிக்கெட் வீரர்கள், விளையாட்டுத்துறை அமைச்சின் கீழ் உள்ள கிரிக்கெட் சபையின் கீழ் பணியாற்றுகின்றனர். அவர்கள் தங்களின் தொழிலைப் பாதுகாக்க முயற்சிக்கின்றனர்.

ஐ.பி.எல் ரி-20 தொடரில் விளையாடும் வீரர்களை நீங்கள் நன்கு அறீவீர்கள் என நான் நம்புகிறேன். அவர்களைக் குறிப்பிட நான் விரும்பவில்லை.

ஆனால், அவர்கள் தங்களின் தொழிலை ஒரு வாரத்திற்கு கைவிட்டு வந்து போராட்டத்திற்கு ஆதரவளிக்க வேண்டும் என அர்ஜுன ரணதுங்க குறிப்பிட்டுள்ளார்.