தளபதியின் பீஸ்ட் படம் வெளியிட தடை!!

நெல்சன் இயக்கத்தில் தளபதி விஜய், பூஜா ஹெக்டே நடிப்பில் உருவாகியுள்ள பீஸ்ட் திரைப்படம் வெளியாவதற்கு தடை விதிக்கப்பட்டுள்ளது.

தளபதி விஜய் நடித்துள்ள பீஸ்ட் திரைப்படம் எதிர்வரும் 13 ஆம் திகதி வெளியாகவுள்ளது. இயக்குனர் நெல்சன் திலீப்குமார் இப்படத்தை இயக்கியுள்ளார். 

இந்த திரைப்படம் 5 மொழிகளில் வெளியாகும் என படக்குழு அறிவித்துள்ளது. தமிழில் உருவாகி உள்ள பீஸ்ட் படத்தை தெலுங்கு, மலையாளம், கன்னடம், இந்தி ஆகிய மொழிகளில் டப்பிங் செய்து வெளியிட உள்ளனர். அண்மையில் வெளியான பீஸ்ட் திரைப்படத்தின் டிரைலர் அனைவரையும் கவர்ந்து ஹிட் அடித்துள்ளது.

இந்நிலையில் வெளியீட்டிற்கு தயாராகவுள்ள பீஸ்ட் திரைப்படத்தை குவைத் அரசு தடை செய்துள்ளது. வன்முறை காட்சிகள் அதிகம் இருப்பதாக கூறி தடை விதித்ததாக தகவல் வெளியாகியுள்ளது.