பொலிஸாரின் துப்பாக்கியை பறிக்க முயற்சித்த கடத்தல்காரன் பொலிஸாரின் துப்பாக்கி சூட்டில் பலி!

மாத்தளை – நாவுல 2ம் மைல் கல் பகுதியில் பொலிஸாரின் துப்பாக்கியை பறிக்க முயற்சித்த கடத்தல்காரர் பொலிஸ் துப்பாக்கி சூட்டில் பலியாகியுள்ளார். 

இரண்டாம் மைல் கல் பகுதியில் இடம்பெற்ற துப்பாக்கிச்சூட்டில் போதைப்பொருள் கடத்தல்காரர் ஒருவர் உயிரிழந்துள்ளார்.

இன்று (03) காலை குறித்த நபர் பயணித்த முச்சக்கரவண்டியை பொலிஸார் சோதனையிட்டுள்ளனர். 

இதன்போது, சந்தேகநபர் பொலிஸ் உத்தியோகத்தரின் துப்பாக்கியை பறிக்க முயன்றதையடுத்து, துப்பாக்கிச்சூடு இடம்பெற்றதாக பொலிஸ் ஊடகப்பேச்சாளரும், சிரேஷ்ட பொலிஸ் அத்தியட்சகருமான நிஹால் தல்துவ தெரிவித்தார்.

தம்புளையை சேர்ந்த 39 வயதான ஒருவரே உயிரிழந்துள்ளார். சந்தேகநபருக்கு எதிராக பொலன்னறுவை மற்றும் தம்புளை நீதிமன்றங்களில் கொலை, 

 போதைப்பொருள் கடத்தல் தொடர்பில் 5 வழக்குகள் உள்ளதாகவும் பொலிஸ் ஊடகப்பேச்சாளர் குறிப்பிட்டார்.