பஞ்சாப் அணிக்கு புதிய தலைவர் யார் தெரியுமா?
இந்தியன் பிரீமியர் லீக்கின் (ஐ.பி.எல்) 15 ஆவது தொடர் எதிர்வரும் மார்ச் மாதம் 26 ஆம் திகதி முதல் மே மாதம் 29 ஆம் திகதிவரை நடைபெறவுள்ளமை யாவரும் அறிந்த ஒன்று.
இந்நிலையில் பஞ்சாப் கிங்ஸின் தலைவராக இருந்த லோகேஷ் ராகுல் இந்த முறை லக்னோ சுப்பர் ஜெயன்ட்ஸ் அணிக்கு ஒப்பந்தமாகி அந்த அணியின் தலைவராகவும் நியமிக்கப்பட்டார்.
இதனால் பஞ்சாப் அணியின் தலைவர் யார்? என்ற கேள்வி நிலவி வருகின்றது. இந்நிலையில் பஞ்சாப் கிங்ஸ் நிர்வாகம் புதிய தலைவராக மயங்க் அகர்வாலை தேர்வு செய்துள்ளதாக அதிகாரபூர்வ அறிவிப்புகள் வெளியாகியுள்ளது.
இவ்விடையம் தொடர்பில் அணியின் தலைமை பயிற்றுவிப்பாளர் அனில் கும்ப்ளே கூறுகையில்:- அண்மையில் முடிவடைந்த ஏலத்தில் நாங்கள் தேர்ந்தெடுத்த புதிய அணியில் திறமையான மற்றும் அனுபவம்வாய்ந்த பல வீரர்கள் உள்ளனர்.
மயங்க் தலைமையில் எதிர்காலத்திற்கான பலமான அடித்தளத்தை உருவாக்க விரும்புகிறோம். அவர் ஒரு தலைவருக்குரிய அனைத்து பண்புகளையும் கொண்ட வீரராவார். நான் அவருடன் பணியாற்ற ஆவலுடன் காத்திருக்கிறேன், மேலும் அவர் இந்த அணியை வெற்றிகரமான வழிநடத்துவார் என்று நம்புகிறேன் என்றார்.
