உக்ரைன் எல்லையில் இந்திய மாணவர்கள் மீது தாக்குதல்!!

உக்ரைனில் உள்ள இந்தியர்கள் அண்டை நாடுகளின் எல்லைகளை நோக்கி கடும் குளிரில் படையெடுத்து வருகின்ற நிலையில் எல்லை நோக்கி செல்லும் இந்திய மாணவர்கள் தாக்கப்பட்ட சம்பவம் அதிர்ச்சியை ஏற்படுத்தி இருக்கிறது.

உக்ரைனில் போர் நடந்து வருவதையடுத்து அங்கு தவிக்கும் இந்திய மாணவர்களை மீட்க நடவடிக்கை எடுக்கப்பட்டு வருகிறது.

அங்கு விமான போக்கு வரத்து முற்றிலும் நிறுத்தப்பட்டுள்ளதால் அண்டை நாடுகளான ருமேனியா, போலந்து, ஹங்கேரி, ஸ்லோவோக்கியா ஆகிய நாடுகளுக்கு விமானங்களை அனுப்பி அங்கிருந்து இந்தியர்கள் மீட்கப்பட்டு வருகிறார்கள்.

நாடு திரும்ப இந்தியர்கள் உக்ரைனின் அண்டை நாடுகளின் எல்லைகளை நோக்கி கடும் குளிரில் படையெடுத்து வருகிறார்கள். இந்த நிலையில் எல்லை நோக்கி செல்லும் இந்திய மாணவர்கள் தாக்கப்பட்ட சம்பவம் அதிர்ச்சியை ஏற்படுத்தி இருக்கிறது.

இதுதொடர்பாக வீடியோ ஒன்றும் சமூக வலைதளங்களில் பரவி வருகிறது. அதில், ‘போலந்து-உக்ரைன் எல்லையை நோக்கி மாணவர்கள் தங்களது உடைமைகளுடன் செல்லும் போது உக்ரைன் காவலர் ஒருவர் மாணவரை எட்டி உதைக்கும் காட்சி பதிவாகியுள்ளது.