தமிழக உள்ளாட்சி தேர்தல் முடிவுகள்!! -21 மாநகராட்சிகளில் 20 இடங்களில் முன்னிலையில் தி.மு.க-

தமிழக உள்ளாட்சித் தேர்தலில்  மொத்தமுள்ள 138 நகராட்சிகளில் தி.மு.க 111 இடங்களிலும், அ.தி.மு.க 9 இடங்களில் வெற்றி பெற்றுள்ளதாக அறிவிக்கப்பட்டுள்ளது. 

தமிழகம் முழுவதும் நகர்ப்புற உள்ளாட்சித் தேர்தல் முடிவுகள் தற்போது வெளிவந்து கொண்டிருக்கின்றன. மாநிலம் முழுவதும் இதுவரை வந்துள்ள முடிவுகளின்படி தி.மு.க அணி மிகப்பெரிய அளவில் முன்னிலை வகிக்கின்றன. அ.தி.மு.க, பா.ஜ.க, பா.ம.க, நாம் தமிழர் உள்ளிட்ட கட்சிகள் ஆங்காங்கே வெற்றியை பதிவு செய்து வருகின்றன.

இன்று காலை 11 மணி நிலவரம் மாநில தேர்தல் ஆணையம் வெளியிடப்பட்டுள்ளது. அதன்படி, தமிழக நகர்புற உள்ளாட்சித் தேர்தலில் இதுவரையிலான முடிவுகளின்படி, மொத்தமுள்ள 21 மாநகராட்சிகளில் தி.மு.க 20 இடங்களில் முந்துகிறது.