இந்திய அணியை எதிர்த்தாடும் இலங்கை டி-20 குழாம் அறிவிப்பு!!
இந்தியாவுடனான 3 மூன்று போட்டிகளை கொண்ட ரி-20 பங்கேற்கவுள்ள இலங்கை குழாமை இலங்கை கிரிக்கெட் அறிவித்துள்ளது. விளையாட்டுத்துறை அமைச்சர் நாமல் ராஜபக்ஷவின் அனுமதிக்காக இந்த பட்டியல் அனுப்பி வைக்கப்பட்டுள்ளது.
மூன்று போட்டிகளை கொண்ட இருபதுக்கு 20 தொடரின் முதல் போட்டி நாளை மறுதினம் வியாழக்கிழமை லக்னோவில் நடைபெறவுள்ளது.
அவுஸ்திரேலியாவுக்கான கிரிக்கெட் சுற்றுப்பயணத்தின்போது, வனிந்து ஹசரங்க மற்றும் பினுர பெர்னாண்டோர் ஆகிய வீரர்கள் கொவிட் தொற்றுக்கு உள்ளாகியிருந்தனர்.
இந்நிலையில், தற்போது குணமடைந்துள்ள அவர்கள் இந்தியாவுக்கு எதிரான தொடரில் விளையாடுவர் என ஸ்ரீலங்கா கிரிக்கெட் தெரிவித்துள்ளது.
எவ்வாறாயினும், அவுஸ்திரேலியாவுக்கு எதிரான தொடரின்போது, உபாதைக்கு உள்ளான அவிஸ்க பெர்னாண்டோ, நுவன் துஷார மற்றும் ரமேஷ் மெண்டிஸ் ஆகிய வீரர்கள் நாடு திரும்பவுள்ளதாக ஸ்ரீலங்கா கிரிக்கெட் மேலும் தெரிவித்துள்ளது.
