காதலனுக்காக போதை மருந்துகள் கடத்திய காதலி!! -இருவரையும் கைது செய்த பொலிஸ்-

இந்தியாவின் ஆந்திர மாநிலம் விசாகப்பட்டினத்தில் காதலனுக்காக போதை மருந்து கடத்திய இளம்பெண் ஒருவர் காதலனுடன் பொலிஸாரினால் கைது செய்யப்பட்டுள்ளார். 

ஹைதராபாத்திலிருந்து விசாகப்பட்டினம் வரும் தனியார் பேருந்தில் குறித்த இளம்பெண் போதை மருந்துகளை கடத்தி வருகிறார் என அதிகாலை நேரம் போதைப்பொருள் தடுப்புப் பிரிவு பொலிஸாருக்கு இரகசிய தகவல் கிடைத்தது.

பேருந்து நிலையத்தில தயாராக நின்ற பொலிஸாரைப் பார்த்தத இளம்பெண், அங்கு ஏற்கனவே சொகுசு காருடன் தயாராக நின்ற தனது காதலனுடன் தப்பிச் செல்ல முயன்றார். அவர்களை பொலிஸார் துரத்திச் சென்று மடக்கிப் பிடித்து கைது செய்தனர்.

காரில் இருந்து 18 போதை மாத்திரைகளையும் 2 கிராம் போதை பவுடரையும் பறிமுதல் செய்தனர். மாளவிகா என்ற அந்த இளம்பெண், தனது காதலன் ஹேமந்த்துக்காக ஹைதராபாத்திலிருந்து போதை மாத்திரைகளை வாங்கி வந்தது தெரியவந்தது.