சபரிமலைக்கு சென்ற பெண்ணை துரத்தி துரத்தி அடித்த இளைஞர்!!

சபரிமலைக்கு சென்ற இரண்டு பெண்களில் ஒருவரை கோழிக்கோட்டில் வைத்து இளைஞர் ஒருவர் சராமரியா தாக்கிய சம்பவம் பரபரப்பை ஏற்படுத்தியுள்ளது.

சபரிமலைக்கு அனைத்து வயது பெண்களும் செல்லலாம் என்று உச்சநீதிமன்றம் தீர்ப்பளித்ததையடுத்து, 2019 ஆம் ஆண்டு சபரிமலை கோயிலில் முதன்முதலில் தரிசனம் செய்த இரண்டு பெண்களில் பிந்து அம்மினி என்பவரும் ஒருவர். பிந்து அம்மினி சபரிமலை சென்ற பின் அடிக்கடி அவர் தாக்குதலுக்குள்ளாவது உண்டு.

சட்டத்தரணியான அவர், தன்னுடைய வழக்கு தொடர்பாக கோழிக்கோடு சென்றுள்ளார். கோழிக்கோடு வடக்கு கடற்கரைக்கு சென்ற அவரை மர்ம நபர் ஒருவர் கழுத்தை பிடித்து இழுத்து கீழே தள்ளி சராமரியாக அடித்தார்.

இந்த காட்சிகள் தொலைக்காட்சிகளில் வெளியாகி அதிர்ச்சியை ஏற்படுத்தியுள்ளது. பிந்து கூறுகையில், தனக்கு ஏதாவது நடைபெறும் என்று உள்மனது சொன்னதாகவும் அதனால், கொயிலாண்டி போலீசாரிடத்தில் பாதுகாப்பு கேட்டதாவும் ஆனால், அவர்கள் கண்டு கொள்ளவில்லை என்றும் கூறியுள்ளார்.