பொலிஸார் முன்பாக வன்முறை..! 4 ரவுடிகளை கைது செய்து இழுத்துச் சென்ற பொலிஸார்..

வவுனியாவில் பொலிஸார் முன்னிலையில் வன்முறையில் ஈடுபட்ட 4 பேர் கைது செய்யப்பட்டிருக்கின்றனர். 

வர்த்தக நடவடிக்கைகள் அதிகமுள்ள வவுனியா 1ம் குறுக்குத் தெருவில் உள்ள தொலைபேசி விற்பனை நிலையத்திற்கு சென்றிருந்த சிலர் அங்கிருந்தவர்களுடன் முரண்பட்டிருக்கின்றனர். 

அவர்களுக்கு ஆதரவாக பண்டாரிக்குளம் மற்றும் கோவில்குளம் பகுதிகளில் இருந்து 1ம் குறுக்குத் தெருவுக்கு குழுக்கள் அழைக்கப்பட்டுள்ளன. இதனையடுத்து அவர்கள் கை கலப்பில் ஈடுபட்டிருந்தனர். 

சம்பவம் இடம்பெற்ற பகுதிக்கு சென்றிருந்த பொலிஸார் 2 மணி நேரமாக விசாரணை மேற்கொண்டதுடன் குறித்த வர்த்தக நிலையத்தை மூடிவிட்டு அங்கிருந்த இருவரையும் பொலிஸ் நிலையம் அழைத்துச் செல்ல முற்பட்டுள்ளனர். 

இதன்போது பொலிஸாருக் முன்பாகவும் கைகலப்பில் ஈடுட்டுள்ளனர். இதனையடுத்து 4 பேர் கைது செய்யப்பட்டதுடன் மேலதிக விசாரணைகள் இடம்பெற்று வருகின்றன.