இந்தியாவில் ஒவ்வொரு நாளும் வேகமாக பரவும் ஒமைக்ரான்!! -22 மாநிலங்களில் 961 பேரை தொற்றியது-

இந்தியாவில் உள்ள 22 மாநிலங்களிலும் வேகமாக பரவும் ஒமைக்ரான் நேற்று காலைய நிலவரப்படி நாடு முழுவதும் 961 பேருக்கு ஒமைக்ரான் பாதிப்பு ஏற்பட்டுள்ளதாக மத்திய சுகாதாரத்துறை அறிவித்துள்ளது. 

மேலும் அந்நாட்டின் 22 மாநிலங்களில் ஒமைக்ரான் பரவி இருப்பதாக அந்த தகவலில் கூறப்பட்டுள்ளது.

டெல்லி, மகாராஷ்டிரா ஆகிய 2 மாநிலங்களிலும் ஒமைக்ரான் கட்டுப்படுத்த முடியாத அளவுக்கு எகிறத் தொடங்கியுள்ளது. டெல்லியில் 263 பேரும், மகாராஷ்டிரத்தில் 252 பேரும் ஒமைக்ரானால் பாதிக்கப்பட்டுள்ளனர்.

குஜராத்தில் 97, ராஜஸ்தானில் 69, கேரளாவில் 65, தெலுங்கானாவில் 62 பேருக்கு ஒமைக்ரான் பாதிப்பு காணப்படுகிறது. தமிழகத்தில் 46 பேர் ஒமைக்ரான் பாதிப்புடன் உள்ளனர்.

கர்நாடகாவில் 34 பேரும், ஆந்திராவில் 16 பேரும், அரியானாவில் 12 பேரும் ஒமைக்ரான் தாக்குதலுடன் சிகிச்சை பெற்று வருகிறார்கள். ஒமைக்ரானை கட்டுப்படுத்த இந்த மாநிலங்களில் கட்டுப்பாடு நடவடிக்கைகள் தீவிரப்படுத்தப்பட்டுள்ளன.

ஒமைக்ரான் பாதித்த 961 பேரில் 320 பேர் குணமடைந்து விட்டனர். அவர்களில் பெரும்பாலானவர்கள் வீடு திரும்பியுள்ளனர். மற்றவர்களுக்கு தீவிர சிகிச்சை அளிக்கப்பட்டு வருகிறது. அவர்கள் அனைவரும் சீரான உடல்நலத்துடன் இருப்பதாக மத்திய சுகாதாரத்துறை அறிவித்துள்ளது.