நண்பர்களுடன் குளிக்க சென்ற இளைஞனை காணவில்லை! உறவினர்கள் தேடி சென்றபோது சடலமாக மீட்பு..

வவுனியா செட்டிகுளம் - தம்பனை குளத்தில் நண்பர்களுடன் குளிக்க சென்றிருந்த இளைஞன் வீடு திரும்பாத நிலையில் உறவினர் தேடிச் சென்றபோது அவர் சடலமாக மீட்கப்பட்டிருக்கின்றார். 

நேற்று (26.12) மாலை குளத்திற்குச் சென்றவர்கள் குளத்தில் சடலம் ஒன்று இருப்பதை அவதானித்து பொலிஸாருக்கு வழங்கிய தகவலையடுத்து குறித்த சடலம் மீட்கப்பட்டுள்ளது.

சடலமாக மீட்கப்பட்ட இளைஞர் வீட்டிலிருந்து நேற்றுமுன் தினம் நண்பர்களுடன் சென்ற நிலையில் வீடு திரும்பவில்லை. குறித்த இளைஞரை அவரது வீட்டார் தேடி வந்த நிலையிலேயே குளத்திலிருந்து சடலமாக மீட்கப்பட்டுள்ளார்.