வீட்டின் அருகில் விளையாடிக் கொண்டிருந்த நிலையில் காணாமல்போன 4 வயது சிறுமி சடலமாக மீட்பு!

வீட்டின் அருகில் விளையாடிக் கொண்டிருந்த நிலையில் காணாமல்போன 4 வயது சிறுமி ஒருவர் கிணற்றிலிருந்து சடலமாக மீட்கப்பட்டுள்ளார். 

குறித்த சம்பவம் கிளிநொச்சி - அம்பாள் நகர் பகுதியில் நேற்று மாலை இடம்பெற்றுள்ளதாக தொியவருகின்றது. 

குறித்த சிறுமியை உறவினர்கள் மற்றும் அயலவரின் உதவியுடன் தேடியதுடன், சந்தேகத்தில் தமது வீட்டு கிணற்றினை நீர் பம்பியில் மூலம் இறைத்துள்ளனர்.

இதன்போது குறித்த சிறுமி கிணற்றிலிருந்து சடலமாக  மீட்கப்பட்டுள்ளார்.சிறுமியின் உடல் பிரேத பரீசோதனைக்காக கிளிநொச்சி வைத்தியசாலையில் வைக்கப்பட்டுள்ளது.

டசிந்தன் சன்சிகா என்ற 04 வயதுடைய சிறுமியே இவ்வாறு உயிரிழந்துள்ளார். சம்பவம் தொடர்பாக பொலிசார் மேலதிக விசாரனைகளை ஆரம்பித்துள்ளனர்.