மோட்டார் சைக்கிளில் பயணித்த பெண் மீது துப்பாக்கி சூடு! பெண் சம்பவ இடத்திலேயே பலி, பொலிஸார் குவிக்கப்பட்டு பரபரப்பு..

வவுனியா வடக்கு நெடுங்கேணி - சேனைப்புலவு பகுதியில் துப்பாக்கி சூட்டுக்கு இலக்கான பெண் ஒருவர் சம்பவ இடத்திலேயே உயிரிழந்துள்ளார். 

இன்று (15) காலை 11.30 மணியளவில் இடம்பெற்ற சம்பவம் தொடர்பில் மேலும் தெரியவருவதாவது,வவுனியா – நெடுங்கேணி – சேனைப்பிலவு பகுதியில் மோட்டார் சைக்கிளில் பயணித்த பெண் ஒருவர் மீது 

துப்பாக்கி பிரயோகம் மேற்கொள்ளப்பட்டதில் குறித்த பெண் சம்பவ இடத்திலேயே பலியாகியுள்ளார். சம்பவத்தில் பாலசுந்தரம் சத்தியகலா 34 வயதுடைய பெண்ணே இவ்வாறு பலியாகியுள்ளார்.

ஆரம்ப கட்ட விசாரணைகளில் நாட்டு துப்பாக்கியால் சுடப்பட்டே மரணமடைந்துள்ளதாகவும், யாரால் , எதற்காக துப்பாக்கி பிரயோகம் மேற்கொள்ளப்பட்டது, 

போன்ற பல்வேறு கோணங்களில் விசாரணை இடம்பெற்று வருகின்றது.துப்பாக்கியால் சுடப்பட்டு மரணமடைந்ததனால் அப்பகுதியில் பதற்ற நிலை நிலவி வருகின்றது.

பொலிஸார் மற்றும் இராணுவத்தினர் இணைந்து விசாரணைகளை ஆரம்பித்துள்ளனர்.