ஆந்திர வெள்ள நிவாரணத்திற்கு ஒரு கோடி வழங்கும் பிரபாஸ்!!

தமிழில் மட்டுமல்லாது பிற மொழியான தெலுங்கு மொழியிலும் நடித்து பிரபலமான நடிகராக வலம் வரும் பாகுபலி பிரபாஸ், ஆந்திர வெள்ள நிவாரணத்திற்கு உதவுவதாக அறிவித்து இருக்கிறார். 

பிரபாஸ் ‘பாகுபலி' படம் மூலம் பிரபலமான பிரபாஸ் அதிக சம்பளம் பெறும் நடிகராக மாறி இருக்கிறார். இப் போது ‘ராதேஷ்யாம்' படத்தில் நடித்து முடித்துள்ளார். ராமாயண கதையான ஆதிபுருஷ் மற்றும் சலார் ஆகிய படங்களில் நடித்து வருகிறார். ‘ஆதிபுருஷ்' படத்தில் ராமராக நடிக்க பிரபாசுக்கு 150 கோடி ரூபா சம்பளம் பேசி இருப்பதாக தகவல் வெளியாகி உள்ளது.

வேறு இந்திய நடிகர்கள் யாரும் இவ்வளவு பெரிய தொகையை சம்பளமாக பெற்றது இல்லை. இந்த நிலையில் ஆந்திராவில் பெய்த கனமழை வெள்ளத்தினால் பாதிக்கப்பட்டோருக்கு உதவுவதற்காக ஆந்திர முதலமைச்சர் நிவாரண நிதிக்கு ஒரு கோடி ரூபா வழங்குவதாக பிரபாஸ் அறிவித்து உள்ளார்.