வடக்கில் அதிரடிப்படை சுற்றிவளைப்பு! வாள்வெட்டு, கொள்ளை சம்பவங்களுக்கு பயன்படுத்த போலி வாகன இலக்க தகடு தயாரித்தவர் கைது..

தாண்டிக்குளம் பகுதியில் விசேட அதிரடிப்படையினர் நடத்திய சுற்றிவளைப்பில் இளைஞர் ஒருவர் கைது செய்யப்பட்டிருக்கின்றார். 

மோட்டார் சைக்கிள் மற்றும் வாகனங்களுக்கு போலியான இலக்க தகடுகள் வடிவமைத்து வழங்கப்படுவதாகவும், 

அவாவறு தயாரிக்கப்பட்ட இலக்கத் தகடுகளை வாகனங்களில் பொருத்தி திருட்டுச் சம்பவங்கள், வாள்வெட்டு சம்பவங்கள் இடம்பெறுவதாகவும் 

முல்லைத்தீவு விசேட அதிரடிப் படையினருக்கு கிடைத்த இரகசிய தகவலையடுத்து தாண்டிக்குளம் பகுதியில் இந்த சுற்றிவளைப்பு இடம்பெற்றது. 

இதன்போது குறித்த நிலையத்தில் கடமையாற்றிய இளைஞர் விசேட அதிடிப்படையினரால் கைது செய்யப்பட்டதுடன், 

அங்கு இருந்த கணினி மற்றும் வாகன இலக்க தகடுகள் என்பனவும் விசேட அதிடிப்படையினரால் கைப்பற்றப்பட்டு பொலிஸாரிடம் ஒப்படைக்கப்பட்டது. 

இது தொடர்பில் வவுனியா பொலிஸார் மேலதிக விசாரணைகளை மேற்கொண்டு வருகின்றனர்.