தளபதி விஜய் வீட்டுக்கு வெடிகுண்டு மிரட்டல்!!

சென்னை நீலாங்கரையில் உள்ள இளையதளபதி விஜய் வீட்டுக்கு வெடிகுண்டு வைத்துள்ளதாக பொலிஸாருக்கு வந்த தொலைபேசி அழைப்பார் பரபரப்பு ஏற்பட்டது.

நேற்று முன்தினம் இரவு சென்னை பொலிஸ் கட்டுப்பாட்டு அறைக்கு மர்ம தொலைபேசி அழைப்பு வந்தது. அதில் பேசிய நபர், இளைய தளபதி விஜய் வீட்டில் வெடிகுண்டு வைத்து இருப்பதாகவும், இன்னும் சற்று நேரத்தில் அது வெடித்து சிதறும் எனவும் கூறிவிட்டு இணைப்பை துண்டித்துள்ளார். 

இதையடுத்து பொலிஸார் வெடிகுண்டு நிபுணர்களுடன் இளைய தளபதி விஜய் வீட்டுக்கு சென்று அங்குலம் அங்குலமாக சோதனை செய்தனர். ஆனால் நீண்டநேரம் தேடியும் வெடிகுண்டு எதுவும் சிக்கவில்லை. பின்னர்தான் வெடிகுண்டு மிரட்டல் வெறும் புரளி என தெரியவந்தது.

இதையடுத்து பொலிஸ் கட்டுப்பாட்டு அறைக்கு வந்த மர்ம தொலைபேசி எண்ணை வைத்து பொலிஸார் விசாரித்தபோது, இளைய தளபதி விஜய் வீட்டுக்கு வெடிகுண்டு மிரட்டல் விடுத்த நபர், விழுப்புரம் மாவட்டம் மரக்காணத்தை சேர்ந்த மனநிலை பாதிக்கப்பட்ட இளைஞர் என தெரியவந்தது. 

இளைய தளபதி விஜய் வீட்டுக்கு தற்போது 2 ஆவது முறையாக வெடிகுண்டு மிரட்டல் விடுத்து இருப்பதும் குறிப்பிடத்தக்கது.