மஹேலவுக்கு கிடைத்தது உயர் கௌரவம்!!

ஐ.சி.சியின் புகழ்பூத்த வீரர்கள் பட்டியில் இலங்கையின் முன்னாள் அணித் தலைவரும் பல சாதணைகளுக்கு சொந்தக்காராகவும் உள்ள மஹேல ஜயவர்தன இணைத்துக்கொள்ளப்பட்டார்.

ஐ.சி.சி ஆண்கள் ரி-20 உலகக் கிண்ண இறுதிப் போட்டி நேற்று நடைபெற்ற நிலையில் அதற்கு முன்பு மஹேல ஜயவர்தனவுக்கு இந்த கௌரவம் கிடைத்துள்ளது.

சர்வதேச கிரிக்கெட் அரங்கில் கிரிக்கெட் ஆற்றல்களை அபரிமிதமாக வெளிப்படுத்தும் ஜாம்பவான்களை கௌரவிக்கும் வகையில் புகழ்பூத்தோர் வீரர்கள் பட்டியல் 2009 இல் ஆரம்பிக்கப்பட்டது.

அன்று முதல் இப் பொதுவரை 106 வீரர்கள் இப் பட்டியலில் இணைத்துக்கொள்ளப்பட்டுள்ளனர். இலங்கையின் அதிசிறந்த கிரிக்கெட் வீரர்களில் ஒருவரான மஹேல ஜயவர்தன, 2014 ஐ.சி.சி ஆண்கள் ரி-20 உலகக் கிண்ண கிரிக்கெட் போட்டியில் சம்பியனான இலங்கை அணியில் பிரதான வீரராக இடம்பெற்றார்.

ஐ.சி.சி.யின் புகழ்பூத்த வீரர்கள் பட்டியலில் இணைத்துக்கொள்ளப்பட்டுள்ளதை அதி விசேட கௌரவமாக கருதுவதாக மஹேல ஜயவர்தன தெரிவித்தார்.

குமார் சங்கக்கார, முத்தையா முரளிதரன் ஆகியோரைத் தொடர்ந்து ஐசிசி புகழ்பூத்தோர் பட்டியலில் இடம்பெறும் 3 ஆவது இலங்கையர் மஹேல ஜயவர்தன ஆவார்.