இலங்கை டெஸ்ட் குழாமில் 4 புதிய இளம் முகங்கள் அறிமுகம்!!

மேற்கிந்தியத் தீவுகளுக்கு எதிராக காலி சர்வதேச விளையாட்டரங்கில் நடைபெறவுள்ள 2 போட்டிகள் கொண்ட டெஸ்ட் தொடரில் விளையாடவுள்ள இலங்கை அணி வீரர்களின் பெயர்கள் அறிவிக்கப்பட்டுள்ளது. 

அணியின் தலைவராக திமுத் கருணாரட்ன தொடர்ந்தும் செயற்படவுள்ளதுடன் குழாத்தில் இளம் புதிய வீரர்கள் நான்கு பேர் இத் தொடரில் இணைத்துக்கொள்ளப்பட்டுள்ளனர்.

இதன்படி 19 வயதுக்குட்பட்ட இலங்கை அணியின் முன்னாள் தலைவர் சரித் அசலன்க, ஆரம்ப வீரர் காமில் மிஷார, சலதுறை வீரர் சுமிந்த லக்ஷான் பெர்னாண்டோ, வேகப்பந்துவீச்சாளர் சாமிக்க குணசேகர ஆகியோர் குழாத்தில்  புதுமுகங்களாக இணைத்துக் கொள்ளப்பட்டுள்ளனர்.

இத் தொடரின் முதலாவது டெஸ்ட் கிரிக்கெட் போட்டி எதிர்வரும் 21 ஆம் திகதி ஆரம்பமாவதுடன் 2 ஆவதும் இறுதியுமான டெஸ்ட் கிரிக்கெட் போட்டி நவம்பர் 29 ஆம் திகதி ஆரம்பமாகவுள்ளது.