விபத்தில் பாடசாலை மாணவி உயிரிழப்பு! பொறுப்பற்ற சாரதிகள் மற்றும் பொலிஸாரை கண்டித்து போராட்டம்..

கிளிநொச்சி நகரில் பாதசாரி கடவை ஊடாக வீதியை கடக்க முயற்சித்த மாணவிகள் பொறுப்பற்ற வாகன சாரதிகளால் கொல்லப்பட்டதை கண்டித்து பொதுமக்கள் கவனயீர்ப்பு போராட்டம் ஒன்றை நடாத்தியிருக்கின்றனர். 

இன்று காலை 8 மணி அளவில் கிளிநொச்சி மத்திய கல்லூரி முன்பாக மூன்று வாகனங்கள் ஒன்றுடன் ஒன்று மோதி ஏற்பட்ட விபத்தின்போது பாதசாரி கடவை ஊடாக வீதியை கடக்க முயன்ற மாணவி உயிரிழந்தார். 

மேலும் ஒரு மாணவி படுகாயமடைந்தார். இந்த சம்பவத்தை கண்டித்து இன்று சிவில் சமூக அமைப்புக்கள் மற்றும் பாடசாலை அபிவிருத்தி சங்கம் பெற்றோர்கள் மாணவர்கள் என பலர் கலந்து கொண்டு கவனயீர்ப்பு போராட்டம் நடத்தினர். 

குறித்த போராட்டத்தில் வீதி ஒழுங்குகளை கடைபிடிக்க வேண்டிய பொலிஸார் உரிய காலத்தில் கடமையில் இருப்பதில்லை என்றும் வாகன சாரதிகள் பொறுப்புணர்வே இல்லாமல் வாகனம் ஓட்டுவதையும் கண்டித்தனர்.