பாதசாரி கடவை ஊடாக வீதியை கடக்க முயன்ற மாணவிகள் மீது வாகனம் மோதி கோர விபத்து! ஒருவர் உயிரிழப்பு, மேலும் ஒருவர் காயம், இ.போ.ச பேருந்தின் தறிகெட்ட ஓட்டத்தால்..

கிளிநொச்சி நகரில் பாதசாரி கடவை ஊடாக வீதியை கடக்க முயன்ற பாடசாலை மாணவிகள் மீது வாகனம் மோதியதில் மாணவி ஒருவர் உயிரிழந்துள்ளதுடன், 

மேலும் ஒருவர் ஆபத்தான நிலையில் வைத்தியசாலையில் அனுமதிக்கப்பட்டுள்ளதாக தகவல்கள் கிடைக்கப்பெற்றிருக்கின்றது. 

மேலும் கிளிநொச்சி மகா வித்தியாலய மாணவர்களே இந்த விபத்தில் சிக்கியுள்ளதாகவும், 

இவர்கள் ஊற்றுப்புலம் பகுதியை சேர்ந்தவர்கள் எனவும் கூறப்படுகின்றது. 

2ம் இணைப்பு..

ஊற்றுப்புலம் கிராமத்திலிருந்து கிளிநொச்சி மகா வித்தியாலயத்திற்கு உயர்தர அனுமதி பெறுவதற்காக சென்றிருந்த மாணவிகளே விபத்தில் சிக்கியுள்ளனர். 

பாதசாரி கடவை ஊடாக மாணவிகள் வீதியை கடக்க முயற்சித்தபோது வீதியால் வந்த இரு வாகனங்கள் உடனடியாக வாகனத்தை நிறுத்திய நிலையில், 

கட்டுப்பாடற்ற வேகத்தில் பயணித்த இ.போ.ச பேருந்து நிறுத்தியிருந்து இரு வாகனங்கள் மீதும் மோதியுள்ளது. இதனால் தள்ளப்பட்ட வாகனங்கள் மாணவிகள் மீது மோதியுள்ளது. 

சம்பவத்தில் தி.மதுசாளினி (வயது16) என்ற மாணவி உயிரிழந்துள்ளார். மேலும் ச.கீர்த்தனா (வயது16) என்ற மாணவி படுகாயமடைந்துள்ளார்.