வடமாகாணத்தில் மீண்டும் தலைதுாக்கும் கொரோனா அபாயம்! ஒரு மாவட்டத்தில் மட்டும் பச்சிளம் குழந்தைகள், 17 மாணவர்கள் உட்பட 47 பேருக்கு தொற்று..

வவுனியா மாவட்டத்தில் பச்சிளம் குழந்தைகள் மற்றும் 17 மாணவர்கள் உட்பட 47 பேருக்கு கொரோனா தொற்று உறுதி செய்யப்பட்டிருப்பதாக சுகாதார பிரிவினர் தொிவித்திருக்கின்றனர். 

இனங்காணப்பட்ட கொரானா நோயாளர்களுடன் தொடர்பு பேணியவர்கள், வவுனியா வைத்தியசாலையில் சிகிச்சைக்காக அனுமதிக்கப்பட்டோர், 

தாமாக முன்வந்து பரிசோதனை செய்தோர் மற்றும் தனிமைப்படுத்தப்பட்டோர் ஆகியோரிடம் மேற்கொள்ளப்பட்ட பி.சி.ஆர் மற்றும் அன்ரிஜன் பரிசோதனையின் முடிவுகளின் ஒரு தொகுதி நேற்று இரவு வெளியாகியிருந்தது.

அந்த அறிக்கையின் பிரகாரம், வவுனியாவில் 17 மாணவர்கள் உட்பட 47 பேருக்கு மேலும் கொரோனா தொற்று உறுதி செய்யப்பட்டுள்ளது. 

மறவன்குளம், தோணிக்கல், பூந்தோட்டம், சிறிராமபுரம், சிதம்பரபுரம், வன்னிக் கோட்டம், பூவரசன்குளம், அம்பலாங்கொடவல உள்ளிட்ட பகுதிகளிலேயே மாணவர்கள் கொரானா தொற்றுக்கு உள்ளாகியுள்ளமை உறுதி செய்யப்பட்டுள்ளது. 

மேலும், ஒரு வயது, இரண்டரை வயது, 5 வயது குழந்தைகளும் கொரானா தொற்றுக்கு உள்ளாகியுள்ளமை உறுதிப்படுத்தப்பட்டுள்ளது.