வீட்டில் படுத்திருந்த குடும்பஸ்த்தர் மீது வாள்வெட்டு! நடவடிக்கை எடுக்க தயங்கிய பொலிஸார், பொதுமக்கள் எதிர்ப்பால் இரு ரவுடிகள் கைது..

கிளிநொச்சி - கோரக்கன்கட்டு பகுதியில் வீட்டில்  உறங்கிக் கொண்டிருந்த குடும்பஸ்த்தர் மீது வாள்வெட்டு தாக்குதல் நடத்தப்பட்டுள்ள நிலையில் சம்பவத்துடன் தொடர்புடைய 2 பேர் பொலிஸாரினால் கைது செய்யப்பட்டிருக்கின்றனர். 

வீட்டில் உறங்கிக் கொண்டிருந்த குடும்பஸ்த்தர் மீது கார் ஒன்றில் வந்த ரவுடிகள் வாள்வெட்டு தாக்குதல் நடத்திவிட்டு தப்பிச் சென்றுள்ளனர். சம்பவத்தில் காயமடைந்த குடும்பஸ்த்தர் வைத்தியசாலையில் அனுமதிக்கப்பட்டுள்ளார். 

இந்நிலையில் சம்பவத்துடன் தொடர்புடைய ரவுடிகளை பொலிஸார் கைது செய்யவில்லை. என கண்டித்து இன்று கோரக்கன்கட்டு மக்கள் எதிர்ப்பு போராட்டத்தை நடத்தியிருக்கின்றனர். 

மக்கள் போராட்டத்தினால் அமைதியின்மை உருவானதை தொடர்ந்து இன்று பகல் 2 ரவுடிகளை கைது செய்துள்ள பொலிஸார், மேலும் சில ரவுடிகளை தேடி வருவதாக கூறியிருக்கின்றனர். 

மேலும் சம்பவத்துடன் தொடர்புடைய கார் பொலிஸாரினால் கைப்பற்றப்பட்டிருக்கின்றது.