பாணுக்குள் இருந்த நத்தை! தாம் ஒன்றும் செய்ய முடியாது என கூறிய வெதுப்பக உரிமையர் மீது சட்ட நடவடிக்கை..

வெதுப்பக உற்பத்திகளை விற்பனை செய்யும் ஆட்டோவில் பாண் வாங்கிய ஒருவர் பாணுக்குள் நத்தை இருப்பதை கண்டு அதிர்ச்சியடைந்துள்ளார். 

குறித்த சம்பவம் இங்கிரிய பகுதியில் இடம்பெற்றுள்ளது. இதனையடுத்து பாண் வாங்கிய நபர் விற்பனையாளரிடம் அது குறித்து வினவியதுடன், 

வெதுப்பக உரிமையாளருக்கும் தொியப்படுத்தியுள்ளார். எனினும், பாணுக்குள் நத்தை இருந்தமைக்குத் தாம் எதனையும் செய்ய முடியாது.

என அவர்கள் பதிலளித்துள்ளனர். இதையடுத்து பாணை வாங்கிய நபர், குறித்த சம்பவம் குறித்து இங்கிரிய சுகாதார வைத்திய அதிகாரியின் அலுவலகத்தில் 

முறைப்பாடு செய்துள்ளார். இந்தச் சம்பவம் தொடர்பாக நடவடிக்கை எடுக்கப்பட்டுள்ளது எனச் சுகாதார வைத்திய அதிகாரி அலுவலகம் தெரிவித்துள்ளது.