மண்மேடு சரிந்து விழுந்ததில் தாயும் இரு பெண் பிள்ளைகளும் பலி..! தந்தை ஆபத்தான நிலையில்..

கனமழையினால் மண்மேடு சரிந்து விழுந்ததில் தாயும் இரு பெண் பிள்ளைகளும் பரிதாபமாக உயிரிழந்துள்ளனர். 

கேகாலை, ரம்புக்கணை – தொம்பேமட பிரதேசத்தில் இடம்பெற்ற மண்சரிவில் சிக்கியே குறித்த 3 பேரும் உயிரிழந்துள்ளதாக அனர்த்த முகாமைத்துவ மத்திய நிலையம் தெரிவித்துள்ளது.

குறித்த மண்மேடு சரிந்து வீடொன்றின் மீது விழுந்ததில் அவ்வீட்டிலிருந்த தாயும், 8 வயது மற்றும் 14 வயதுடைய இரு மகள்களும் உயிரிழந்துள்ளனர்.

தந்தை பலத்த காயமடைந்த நிலையில் வைத்தியசாலையில் அனுமதிக்கப்பட்டுள்ளார். மண்மேடு சரிந்து வீழ்ந்ததில் வீடு முழுமையாக சேதமடைந்துள்ளதாக 

அனர்த்த முகாமைத்துவ மத்திய நிலையம் தெரிவித்துள்ளமை குறிப்பிடத்தக்கது.