ஹாட்ரிக் எடுத்த ரபாடா!!

ரி-20 உலக கோப்பை தொடரில் நேற்று சார்ஜாவில் நடந்த போட்டியில் இங்கிலாந்தை 10 ஓட்டங்கள் வித்தியாசததில் வீழ்த்தினாலும் தென் ஆப்பிரிக்கா அரையிறுதி வாய்ப்பை இழந்து தொடரில் இருந்து வெளியேறியது.

முதலில் துடுப்பெடுத்தாடிய தென் ஆப்பிரிக்கா அணி 189 ஓட்டங்களை குவித்தது. இதையடுத்து, 190 ஓட்டங்கள் எடுத்தால் வெற்றி என்ற இலக்குடன் இங்கிலாந்து அணி துடுப்பெடுத்தாடியது செய்தது.

இப்போட்டியின் கடைசி ஓவரை தென் ஆப்பிரிக்கா அணியின் ரபாடா வீசினார். முதல் பந்தில் வோக்ஸ், இரண்டாவது பந்தில் மார்கன், முன்றாவது பந்தில் ஜோர்டான் ஆகியோரை வெளியேற்றினார். இதன்மூலம் ரபாடா ஹாட்ரிக் விக்கெட் வீழ்த்தி அசத்தினார்.

ரி-20 உலக கோப்பை போட்டியில் ஹாட்ரிக் விக்கெட் வீழ்த்திய 4 ஆவது பந்துவீச்சாளர் ரபாடா என்பது குறிப்பிடத்தக்கது.