சூட்கேஸில் இருந்து பெண்ணின் சடலம் மீட்கப்பட்ட விவகாரம்..! கணவன், மனைவி கைது, சூட்கேஸை ஏற்றிச் சென்ற வாகனமும் சிக்கியது..

சூட்கேஸிலிருந்து பெண்ணின் சடலம் மீட்கப்பட்ட சம்பவம் தொடர்பில் மட்டக்குளி பகுதியை சேர்ந்த கணவன், மனைவி கைது செய்யப்பட்டுள்ளனர். 

மேலும் சூட்கேஸை ஏற்றிச் செல்லப் பயன்படுத்தப்பட்டதாக நம்பப்படும் லொறி ஒன்றும் கைப்பற்றப்பட்டதாக 

பொலிஸ் ஊடகப் பேச்சாளர் சிரேஷ்ட பொலிஸ் அத்தியட்சகர் நிஹால் தல்துவ தெரிவித்துள்ளார். 44 வயதுடைய பெண்ணின் சடலமே 

கடந்த 4ஆம் திகதி கை, கால்கள் கட்டப்பட்ட நிலையில் கண்டெடுக்கப்பட்டது. சபுகஸ்கந்த பொலிஸாரும் களனி குற்றப் புலனாய்வுப் பிரிவினரும் 

விசாரணைகளை மேற்கொண்டதைத் தொடர்ந்து கொலைச் சம்பவம் தொடர்பில் சந்தேகத்தின் பேரில் 36 வயதுடைய பெண் மற்றும் ஆண் கைது 

செய்யப்பட்டதாக சிரேஷ்ட பொலிஸ் அத்தியட்சர் தல்துவ தெரிவித்தார். சந்தேக நபர்கள் நாளை மஹர நீதவான் நீதிமன்றில் ஆஜர்படுத்தப்படவுள்ளனர்.